2011-7-15 08:11
tn52003
良 心 舖 $1 個 麪 包 老 闆 ：唔 係 樣 樣 賺 到 盡, 可 以 益 吓 人
[size=4]位於九龍灣啟業邨商場內的金燕餐廳，是老式屋邨茶餐廳，每朝都自製十多款出爐麪包。下午 2時半全部麪包則改以特價發售，如雞尾包每個一元，有餡的如腸仔包則每個兩元，全部大大個兼實心，絕無偷工減料。不但全邨最平，更可能是全港最平，因此每日都吸引大批街坊排隊購買。
「叫曾蔭權學吓」
通脹持續升溫，一個麪包動輒賣 5至 10元，更可能縮水兼空心，「捱麪包」似乎再不是慳錢的代名詞。不過，在九龍灣啟業邨，卻有好心茶餐廳老闆賣「 1蚊麪包」益街坊，每日吸引幾十至逾百居民排隊購買，有長者更坦言經常以麪包充當正餐。好心老闆紀先生表示：「做生意唔係樣樣要賺到盡，有時都可以益吓人。」
[img]http://www1.hk.apple.nextmedia.com//images/apple-photos/apple/20110715/large/15la5p2.jpg[/img]
日前，排頭位的朱婆婆下午 2時便到餐廳門外等買「 1蚊麪包」，她笑說：「𠵱家乜都貴，但呢度麪包好平。」事實上，排隊買平包的居民大部份是邨內長者，很多人一買便五、六個。有不願上鏡長者坦言，有時會以麪包當作正餐，形容「慳得 1蚊得 1蚊」，又盛讚老闆好人。
人稱「大哥」的金燕老闆紀先生直言，當初賣一元一個麪包不是做好心，而是想收回成本，他說：「以前賣剩啲麪包到夜晚就丟，幾年前開始試吓傍晚 6點後賣 1蚊個，但都係冇人買。」紀老闆表示，早年賣剩麪包「送畀人都冇人要」，但通脹勁升令 1蚊麪包成為搶手貨。
「年幾前開始，越來越多人排隊，到𠵱家唔得了，有時過百人都有，見過有人買十幾個，唔使半個鐘就賣晒」。現時金燕每日大約會賣 200個賣一元的麪包，而且有客人「吼住」減價時段才來買，但紀老闆一直沒有減少特平麪包數量，他說：「係可以做少啲、蝕少啲，不過算啦，咪當益吓街坊。」
對於老闆蝕賣麪包，金燕的夥計都大讚老闆好人，而且夠環保，輝哥表示：「啲麪包係擺咗幾個鐘，但叮一叮一樣好好食，丟咗好浪費，𠵱家益吓啲老人家係好事。」有阿姐則笑說：「問吓曾蔭權有冇幫過老人家？叫佢學吓我哋老闆。」
[img]http://www1.hk.apple.nextmedia.com//images/apple-photos/apple/20110715/large/15la5p1.jpg[/img]
未蝕本不會加價
年逾 60的紀老闆自小便到父親在牛頭角下邨的茶餐廳幫手，餐廳搬往啟業邨後由他一手一腳打理，從前生意旺盛時，要三個收銀員同時收錢。但啟業邨近年成為「老人邨」，邨民消費力下降，加上通脹令成本大增，令金燕現時只有微利。不過金燕多年未加價，早餐維持 18元、午餐 24元、熱飲 10元，麪包正價亦只售兩、三元，連夥計都「睇唔過眼」，曾建議加少少。紀老闆就表示，一日未蝕本都不會加價，希望餐廳可以經營落去。
人龍中、年近 70的王伯，於附近的啟泰苑住了幾十年，子女成家立室，剩下他與妻子和一名兒子居住。王伯靠積蓄過活，要省吃儉用，他每天都來排隊買平包，有時會買六、七個。
物價暴漲，餸菜越來越貴，王伯只好將價就貨，限定每餐只花 20多元，盡量減少外出，「我有仔女供養，拎唔到綜援，只能用生果金同積蓄度日。食物咁貴，但係又慳唔到，惟有去少啲地方，喺條邨周圍行行企企過日子囉」。
當王伯從街坊口中得知金燕餐廳有「一蚊麪包」優惠，就去排隊買麪包，一買就買了逾半年，「每日落去排隊買麪包，已經係我嘅退休娛樂，仲可以邊排隊邊同街坊打牙骱，幾開心！我每次都買幾個，食剩咗可以留返第日做早餐，仲好好味 o架」。[/size]